საქართველოს რკინიგზამ ქვეყნის დამოუკიდებლობის დღეს მგზავრებს მატარებლებში მიულოცა. 26 მაისის  და  საქართველოს რკინიგზის  ისტორიის თემაზე  მომზადებული სახალისო ვიქტორინის  გამარჯვებულებს, კომპანიამ სიმბოლური საჩუქრები გადასცა. დაჯილდოვდნენ ის იღბლიანი მგზავრებიც, რომლებმაც ბილეთი 26-ე ადგილზე შეიძინეს.

დღესვე, 17 საათსა და 10 წუთზე , სწორედ იმ დროს , როდესაც 1918 წლის 26 მაისს, საქართველოს დამოუკიდებლობის აქტი გამოცხადდა, რკინიგზის ყველა მოძრავ შემადგენლობასა და სადგურებში  შესრულდა საქართველოს ჰიმნი.