“საქართველოს რკინიგზის” დელეგაცია, პოლონეთში გამართულ რიგით მესამე სატრანსპორტო კონფერენციაში მონაწილეობდა
![](https://cdn2.grmedia.com.ge/app/uploads/2019/09/ფოტო.jpeg)
2019 წლის 10 სექტემბერს, “საქართველოს რკინიგზის” დელეგაციამ, პოლონეთის რესპუბლიკის ქალაქ კრაკოვში გამართულ რიგით მესამე სატრანსპორტო კონფერენციაში მონაწილეობა მიიღო.
“საქართველოს რკინიგზის” გენერალურმა დირექტორმა დავით ფერაძემ, სიტყვით მიმართა კონფერენციის მონაწილეებს, რომელთა შორის იყვნენ პოლონეთის სამთავრობო უწყებები, მსხვილი ბიზნესის და სექტორის უცხოელი წარმომადგენლები.
დავით ფერაძემ ყურადღება გაამახვილა საქართველოს სატრანზიტო პოტენციალზე. ისაუბრა ქვეყნის ტერიტორიაზე გამავალ სატრანსპორტო დერეფნებზე და “საქართველოს რკინიგზის “ მიერ ინიცირებულ სხვადასხვა პროექტებზე. კონფერენციის ფარგლებში „საქართველოს რკინიგზის“ დელეგაციამ ორმხრივი მოლაპარაკებები გამართა PKP LHS – ს წარმომადგენლებთან. შეჯერდა ერთობლივი სამოქმედო გეგმა, რომელიც ითვალისწინებს ევროპა-აზია-ევროპის მარშრუტზე დამატებითი ტვირთების მოზიდვას, მათ შორის, ბაქო-თბილისი-ყარსის სარკინიგზო მარშრუტის გამოყენებით.
ქართულმა მხარემ, კონფერენციის მონაწილეებს საქართველო-რუმინეთსა და საქართველო-უკრაინას შორის რეგულარული საფიდერო მიმოსვლის ამოქმედების შესახებ მიაწოდა ინფორმაცია.აღნიშნული საფიდერო მიმოსვლა მნიშვნელოვნად შეამცირებს კონტეინერების გადაზიდვის ხანგრძლივობას და ღირებულებას შავ ზღვაზე.